شيكون موقفك اذا ابوك تزوج على امك ؟!

"السلام عليكم ورحمة الله وبركاته ..

بحكم أنه حلل بالشرع التعدد للرجل .. وله أن يعدد ويأخذ 4 زوجات ..

لكن في حال كنت أنت أو أنتي .. نشأتوا وترعرعتوا في بيت يسوده الود والرومنسيه بين والديكم .. صح يكون فيه أحيانا مشاحنات .. بس هذي سحابة صيف واتعدي ..

ولكن فجأه .. يتغير الوضع .. وتحس التوتر و الغموض يكتنف أسرتك..

.. وحسيت إن ( الأمر أمر ) و أبوك مخبي شي ..

ومع التنبيش اكتشفت ان ابوك عقد قرانه على عروس يديده .. وفي عالم ثاني ..

وأمك المسكينه .. حاسه إن الموضوع فيه إنّ .. لكن مهي قادره تجزم ..

و ييه موعد الليله الكبيره ..


شنو راح يكون موقفك ..

ــ


1- بتصارح أمك وتقنعها إن الوالد معاه حق ..بس ما تحضر !؟

2- بتتناقش مع أبوك.. وتقف في صف الوالده.. وتثنيه عن عزمه .. وتفركش الزواج! ؟

3- أو بتبارك لأبوك .. وتحضر معاه العرس .. وإنت مرتاح الضمير ! ؟

4- والا بتخاف على شعورأمك .. وماتحضر العرس .. وتزعل منه مع الوالده ! ؟

5- سجل موقف آخر لو فيه ؟؟؟ !


أتمنى التفاعل مع الموضوع ..

تسلمييين على الموضووع ,, بصراحه من ناحيتي انا مااوافق زواج الريال على المراه اذا كانت حياته ماشيه صح والمراه مو مقصره معاه بشي بس اذا كان العكس اهني أأيد زواج الريال على المراه

الله يسلمج
ومشكوووووووووره عالرد
وكلامج كله عدل

انا مع كلام اختي عواش